響 居酒屋 (已搬遷) 新店位置

-🔸枝豆 $38🔸串烧 $16起🔸寿司 $18起🔸鳗鱼炒饭 $98🔸炸鸡软骨粒 $58🔸酱油炒杂菜 $58🔸厨师推介刺身拼盘 $258-开始放长假期当然要贺一贺佢，收工同男朋喺观塘食日式料理，嚟依间响居酒屋，平时lunch就食得多，今次系第一次食dinner。先叫咗份刺身拼盘五点二切，有清甜爽口嘅大粒带子、油脂丰富嘅火炙呑拿鱼、第一次试嘅吞拿鱼山挂（即系有山药蓉喺上面）、深海池鱼好新鲜，仲有油甘鱼好有鱼油香味。见刺身咁新鲜就再叫多几款寿司，油甘鱼同火炙中拖罗好有鱼油香、火炙左口鱼边系男友至爱、最特别系葱吞拿鱼腩蓉系由厨师切碎，而唔系现成嘅吞拿鱼蓉，好有心思。跟住叫咗几款串烧都好高质，烧得好香，调味刚刚好。仲叫咗枝豆同炒杂菜，配鳗鱼炒饭，好丰富非常满足啊！