神木日本料理 (已結業)

又黎到美食宝藏地带 都有段时间无出过观塘食嘢了😂 今次去左间工厂大厦嘅日本餐厅 而且就系APM对面 由MTR出去穿过APM就到 地点好方便～～ 🔖神之特上刺身(6点盛) HKD198有吞拿鱼赤身、三文鱼、油甘鱼腩、带子、赤虾、左口鱼裙边各二切。刺身质素几好，几新鲜，鱼香浓郁，又唔会有腥味。当中赤身味道浓郁，亦唔带血腥味。油甘鱼腩香浓，油香过后渗出淡淡白身鱼嘅鲜味。🔖青龙炸虾卷HKD78炸虾卷物，表面有芝士同三文鱼籽，卷有青瓜丝、炸卷，味道浓郁，食落满足感十足。🔖牛肉他他 HKD88烧牛肉配上洋葱，看似简单嘅菜色，再捞上生蛋黄，同平时食嘅牛肉他他不太相同。烧牛肉配上少许烧肉汁同蒜蓉味道更浓郁，洋葱捞埋生蛋黄能减轻生洋葱嘅辣味，味道更温和丰富🔖锅烧乌冬 HKD78乌冬嫩滑弹牙，汤汁浓郁，好香嘅鲣鱼汤。另外配料亦丰富，有炸虾、蟹柳、窝蛋、鸡肉，笃穿生蛋黄更可当酱料点乌冬食，一次满足晒多个愿望。而且整锅热辣辣上，新鲜出炉，更好味🔖蓝柑乳酸梳打 HKD28🔖草莓乳酸梳打 HKD28两杯梳打好靓，一杯蓝色、一杯粉红，配色好梦幻。而且乳酸甜甜，沟了梳打都唔会好淡，冰亦唔会太多