麻辣小聚 (93WYS) (裝修中)

今日同老公出去食饭，老公话想食酸菜鱼又想食龙虾，我又想去打边炉。所以就嚟观塘呢间麻辣小聚，呢度有晒我哋想食嘅嘢。我哋食呢个系120分钟川辣海鲜和牛火锅放题，首先系拣咗一个锅底先，我哋就拣酸菜鱼锅，跟住就嚟过麻辣小龙虾，小龙虾系任食嘅，正呀！跟住就当我期待嘅打边炉，中间我哋仲可以食啲小食同点心。难忘酸菜鱼锅🐟黄金色汤底嘅酸菜鱼非常吸引，咁靓嘅汤底望落去即刻食欲大增。酸菜鱼咸香味十足，酸味有够，酸菜口感清爽，鱼肉肉质爽脆，两者配搭非常好味，入边仲有啲芽菜，云耳和薯粉，整个锅非常惹味，麻辣小龙虾🦞麻辣小龙虾任食，今次老公真系想食几多都得，小龙虾都算大只，入边满满虾肉，执咗麻辣汁嘅味道，令虾肉更加鲜甜，有先前有辣嘅味道令人食唔停口，老公不断encore再encore！任食火锅🍲好嘢！打边炉啦！呢度有多款🐂牛肉可以选择，包括有本地牛仔肉，安格斯牛肥牛和西班牙M 5和牛。除咗牛肉之外，仲有🐖西班牙黑毛猪。食完肉就当然要食啲🥬蔬菜，生菜，萝卜，粟米，蕃茄，豆腐，冬菇，种类非常丰富。如果唔够饱仲可以渌啲面食，食到舔舔脷 👅