營足四季

营业中

休息中

之前去过观塘嘅露营主题cafe营足四季觉得佢哋嘅食物性价比几高👍🏻而且以露营为主题嘅店舖装修劲有feel，所以今次再encore，带埋好钟意户外活动嘅朋友一齐嚟feel下🤪餐厅嘅室内外位置都以露营枱櫈为主，中间仲停泊咗部露营车，可以坐埋系入面食嘢添。除咗环境，气氛都好有feel🥰逢星期五六日会有live band表演，有时店员仲会满场飞同食客玩游戏送奖品🎁餐点以泰国菜为主，优惠套餐原价$526，折后$368，份量够2－3个人食，人均都只系百几蚊，好抵食🤑全日优惠套餐2－3人 $368🦐泰式生虾前菜推介叫呢个生虾，有好多只，够新鲜🫶🏻而且泰式酱汁调味恰到好处，好开胃😋🍍炸泰式鱼饼、泰式香茅鸡翼、烧菠萝小食拼盘贵精不贵多，鸡翼几香口，菠萝就够甜够juicy💦🥬马拉盏炒菜调味刚好，炒得几惹味，芥兰够爽口😛🥩慢煮牛舌黄咖喱配手抓饼咖喱好香椰汁味，唔会太辣，比较温和，同牛舌好夹👍🏻牛舌劲厚切，而且真系慢煮，食落好软腍。呢个主菜可以配白饭，或者加$20转手抓饼，酥香十足😙🦀劲量蟹肉露笋炒饭份量十足，而且有劲多蟹肉🤩一梳梳蟹肉连同蟹柳，加上蚬肉、芦笋粒等加入粒粒分明又香嘅炒饭，口感丰富，食得好满足😋