Fish & Chick Plus (已結業)

我同朋友都系观塘返工，每次想gathering都会系番观塘揾野食，方便同埋而家观塘真系多左好多选择，而呢间fish & chick，我已经食过4/5次，真系忍唔住要推荐一下首先要介绍佢个汤，粟米蓉忌廉汤，唔系好重忌廉汤，但食到啖啖栗米既感觉，我自己同埋朋友都好喜欢，另外佢个三文鱼沙律都好好食呀～仲有个小食波（唔记得系咩名）😂，好食又唔多粉，感觉呢度既炸鱼都应该唔系粉浆鱼啦🙈野食都上得几快，主菜有半只烧鸡，炸鱼薯条，大虾长通粉同埋蒜片辣椒炒意粉！！！果然不出所料呀，炸鱼唔会好多浆，最惊喜系烧鸡唔会好干身好鞋，仲要有肉汁出黎，另外个长通粉系比较咸，但就好浓既虾味，而蒜片干炒意粉虽然比较油，但个味道都系好好味，好香蒜味同埋全部意粉唔会煮到淋晒，唔洗嚼咁，而系仲好弹牙呢间铺头好似系员工楼面同厨房水吧都要做咁，见佢地落完单就急急脚行入去整野食，所以我同朋友都唔敢打扰佢地😅，尽量食晒几碟先麻烦佢地帮手收一收碟，但个环境唔错🙂，坐多阵倾下计既都系舒服既，不过位其实唔系话好多，但好彩个日冇咩人，所以我同朋友先食完继续坐多一阵至走😛