掌壽司 (已結業)

工厦内平凡日本料理今次终于冲出湾仔，嚟到观塘骆驼漆揾食！大家都知哩度多野食，朋友上网揾左几间，见到哩间日本野都几多好评，最后拣左。餐厅内装修几靓，餐牌食物选择都唔少，我就拣左个澳洲M9黑毛和牛寿喜烧！澳洲M9黑毛和牛寿喜烧餐有附送一个无咩特别既沙律，我就宁愿佢俾个汤我，跟住重有只生蛋，系咁多。我见之前都有茶碗蒸同埋跟埋饮品，但今日我同朋友就只可以拣雪糕饮野重要加钱，同预期有少少落差。只蛋无咩味，感觉上同平时百佳惠康买既日本蛋有啲唔同，但寿喜烧就系要跟蛋食，所以有都好过冇啦。满心期待寿喜烧，但一望啲牛，冇嚟脂肪，跟住渌完好鞋，虽然你话澳洲同日本唔同姐，但都真系唔好好似街边肥牛咁，好彩个汤底都唔错，救返少少。加上劲多菜同菇，份量就算系咁。最后雪糕亦都冇其他食评讲既Hagen-dazs，有啲失望，可能系晚餐先有吧。总结，食材普通，味道普通。俾左200蚊但得返黎既唔值，以观塘区工厦黎讲定价都叫贵，而且重一定要book枱先有位，下次应该未必再黎。餐厅：掌寿司 (观塘)地址：观塘开源道60号骆驼漆大厦3座5楼U室 Address：Flat U, 5/F, Block 3, Camel Paint