影片
更多
2020-09-22
3897 浏览
以前喺「骏业熟食中心」嘅时候，已经一路有帮衬开，当时嘅印象系，蒸鱼够晒新鲜大条又抵食，白饭、时菜、老火汤任装，但舖头实在太细，所以𠮶阵时唔系成日帮衬。自从搬咗上去冠力13楼，就开始多咗帮衬，限聚令之前仲有幸book到佢晚上做嘅私房菜，呢个下次再讲。好啦，入正题，今日lunch, 我成差唔多两点先同同事去到，老板娘一如既往非常之好笑容，热情嘅招呼，一坐低，就会奉上每人一碗老火汤&时菜，今日嘅老火汤系「粉葛海底椰合掌瓜甘笋猪骨汤」，无味精，救火喉，我前后饮咗三碗今日同同事每人点咗一个𩠌，有「江南百花鸡」同埋老板娘推介嘅「清蒸石蚌鱼」，其实我系第一次食百花鸡，哗～原来系心机功夫怀旧菜，碟𩠌送到嚟嘅时候，我仲以为佢送错咗，真系失礼😅😅 上面果层嘅手打虾胶好新鲜好香好好味，下面系拆晒骨嘅鸡肉，好滑，连埋鸡皮食又唔会觉得好油腻，总之一个字「正！」至于呢条「清蒸石蚌鱼」，肉嫩味鲜，今日menu系无嘅，都系老板娘推介。呢间餐厅日日都会转menu, 不过日日都有新鲜蒸鱼食，钟意食好味健康住家饭嘅观塘友，我真心大力推介俾各位！啊～ 仲有一个今日冇嘅菜式，就系「黑松露墨鱼胶蒸蛋」，呢个系超级超级好食，印象中
自从搬咗上去冠力13楼，就开始多咗帮衬，限聚令之前仲有幸book到佢晚上做嘅私房菜，呢个下次再讲。
好啦，入正题，今日lunch, 我成差唔多两点先同同事去到，老板娘一如既往非常之好笑容，热情嘅招呼，一坐低，就会奉上每人一碗老火汤&时菜，今日嘅老火汤系「粉葛海底椰合掌瓜甘笋猪骨汤」，无味精，救火喉，我前后饮咗三碗
今日同同事每人点咗一个𩠌，有「江南百花鸡」同埋老板娘推介嘅「清蒸石蚌鱼」，其实我系第一次食百花鸡，哗～原来系心机功夫怀旧菜，碟𩠌送到嚟嘅时候，我仲以为佢送错咗，真系失礼😅😅
江南百花鸡
$56
167 浏览
2 赞好
0 留言
上面果层嘅手打虾胶好新鲜好香好好味，下面系拆晒骨嘅鸡肉，好滑，连埋鸡皮食又唔会觉得好油腻，总之一个字「正！」
清蒸石蚌鱼
$72
143 浏览
1 赞好
0 留言
至于呢条「清蒸石蚌鱼」，肉嫩味鲜，今日menu系无嘅，都系老板娘推介。
呢间餐厅日日都会转menu, 不过日日都有新鲜蒸鱼食，钟意食好味健康住家饭嘅观塘友，我真心大力推介俾各位！啊～ 仲有一个今日冇嘅菜式，就系「黑松露墨鱼胶蒸蛋」，呢个系超级超级好食，印象中都系$50左右！
又好食，又好招呼，又有人情味嘅小菜餐厅，香港真系买少见少！
*记住留意佢个Menu系日日都唔同㗎
张贴
