蒸益求蒸

营业中

休息中

认识此地除咗旧裕民坊叫做搬过嚟，就系打针抽楼盘正系商场楼上凯汇，势估唔到3楼平台开咗咁多食店……有泰式、越式、日式，仲有老字号担担面……周末返半日放工怕迫，直上直达3楼之电梯到平台，左转行至尽头就见间舖。之前见舖名以为舖面会有股慑人气势，原来小店一间，4人卡座三四张，全店大概十五枱。见餐牌，选择何其少……心谂有啲想退堂，但已坐低望街景4人卡座总算舒服，都系按兵不动。云云蒸物中，见炸蚝饼，又意外地冇大排档𠮶种满口油臆感觉，蚝仔唔算好多，但食起嚟酥酥脆脆，仲有啲觉得唔够食。一口锅贴不留印象，小笼包反而灌满热汤，有猪肉味，中上质素。南瓜蒸排骨餐嘅排骨冇碎骨，但有啲难咬开。跟餐嘅粉葛汤够粉足料。比较有心思系斑兰莲蓉包，莲蓉馅蕴含斑兰汁或斑兰油之类，挺清香，推介！整体食物清清哋，啱想食清淡之人士或长者口味。