自在素食 (已結業)

因为上星期六午饭冇乜食菜，加上𠮶日系观音诞，晚饭去食齐。自在素食门面唔系好起眼，装修亦较旧。食肆有两层，地下有外卖部，有点心俾堂食嘅食客自取，但装点心嘅面包箱打开晒，又近门口，唔多衞生。地下有少量座位，有卡位同几张枱。大部份座位喺一楼，要行一条梯级好窄嘅楼梯，要行得好小心，尤其是落楼梯。我同老公两个人叫咗两碗例汤（节瓜红萝卜蜜枣汤），姜汁炒豆苗，西芹百合腰果炒杂菌，１碗粟米粥。上菜超快，快餐速度。例汤够热，有几嚿节瓜，红萝卜，１粒蜜枣，个汤好清几好饮。豆苗成＄８０，份量唔多，几好食。西芹百合腰果炒杂菌份量适中咸味刚好，材料算多，杂菌有草菇，秀珍菇，鸡骳菇。呢两味𩠌较油。粟米粥除咗有粟米外，仲有啲冬菇碎，红萝卜碎，好味。成餐饭唔使一个埋钟食完。，埋单＄２０２，价钱合理喇。