PAN de PAIN Pancake & Sweets (時代廣場)

营业中

休息中

觀點與角度，有時對食嘢都幾有影響。話說很多很多年前，據聞這店的pancake好出名，當年在河內道K11的店基本上時時刻刻都排長龍。本身唔係話特別鍾意食pancake嘅我應朋友要求一齊去試，排完一大輪隊，吃了pancake，沒有驚喜，當時更稍稍有點失望，亦沒有再回頭幫襯。餐廳沒甚麼問題，只是不覺得特別出眾而已。一別很多年，在時代廣場搵嘢食，過了午飯時間非常肚餓，經過這間在時代的分店，在毫無計劃亦無目的的情況下走了入去，都有嗌pancake，但今次不是因為pancake而來，成件事就唔同咗，而且還頗滿意。點了一份All Day Breakfast，有pancake跟上，ADB的質素很不錯，而且覺得這樣食配搭的pancake相當好味。另外嗌了一碟好特別的「炒飯麵」: 炒飯混入了切得碎碎的炒麵！不能夠說這個組合很出色，但剩係吃特色已經值得試，調味也不錯。所以我一開頭說，用不同觀點、角度去看待同一件事，真係可以有好大差別。這店，單是這一個ADB+Pancake已足以令我再會回頭幫襯。