影片
更多
2020-09-20
327 浏览
今日香港，42蚊可以買幾多個蘋果？中國山東蘋果可能買到8個；講究啲，日本富士蘋果可能買到2至3個；再精緻啲，你可以買到一個源自日本嘅RAPL蘋果…批。抵唔抵？可以參考下。現烤吉士醬蘋果批（$42/件；$160/4件），一如其名，包含三個元素: 牛油酥皮、吉士醬同蘋果果肉。外觀上睇，蘋果批係一個有圓頂嘅半月形，幾特別。焦糖化嘅酥皮呈現金黃色，出爐之後仲可以見到店員幫批批上糖漿，所以係表面係閃閃令令的。膨脹的餅體令人感覺裏面内容豐富，拎上手就想快啲咬一啖。由尾端食起，第一啖咬落去感受到嘅係個酥皮 — 用北海道新鮮牛油揉製而成的144層酥皮入口香酥鬆化仲有牛油香。拎開一睇，個酥皮係有層次嘅。另一方面就發現自己食到周身碎，食個陣要注意一下。再食第二啖，蘋果嘅存在感爆發 — 係有一粒粒果肉嘅果蓉吖~ 個人認爲一個好食嘅蘋果批應該係酸甜而帶有果香，酸同甜之間要有一個平衡先為之滋味。味道上，RAPL蘋果批有達標，有酸味得黎又吾會話太甜，成個批食完之後嘴入面都仲殘留蘋果自然清甜香氣。如果有追求傳統蘋果批個浸肉桂味，可能會覺得失望，因爲喱個唔係RAPL嘅主打。值得批評的是吉士醬 — 份量吾多，差唔多要食
現烤吉士醬蘋果批（$42/件；$160/4件），一如其名，包含三個元素: 牛油酥皮、吉士醬同蘋果果肉。外觀上睇，蘋果批係一個有圓頂嘅半月形，幾特別。焦糖化嘅酥皮呈現金黃色，出爐之後仲可以見到店員幫批批上糖漿，所以係表面係閃閃令令的。膨脹的餅體令人感覺裏面内容豐富，拎上手就想快啲咬一啖。
由尾端食起，第一啖咬落去感受到嘅係個酥皮 — 用北海道新鮮牛油揉製而成的144層酥皮入口香酥鬆化仲有牛油香。拎開一睇，個酥皮係有層次嘅。另一方面就發現自己食到周身碎，食個陣要注意一下。
再食第二啖，蘋果嘅存在感爆發 — 係有一粒粒果肉嘅果蓉吖~ 個人認爲一個好食嘅蘋果批應該係酸甜而帶有果香，酸同甜之間要有一個平衡先為之滋味。味道上，RAPL蘋果批有達標，有酸味得黎又吾會話太甜，成個批食完之後嘴入面都仲殘留蘋果自然清甜香氣。如果有追求傳統蘋果批個浸肉桂味，可能會覺得失望，因爲喱個唔係RAPL嘅主打。
值得批評的是吉士醬 — 份量吾多，差唔多要食到第三四啖即係個批一半先有少少，仲要無咩味，不過都叫做有幫個批增加多個順滑口感同小小甜味嘅。如果吉士醬可以多啲香啲就更好啦。
整體黎講，值得推薦。如果要買，岀爐前10分鐘可能就要排定隊等外賣（無堂食），見佢出爐一次三底每底二十個。假期人多就真係手快有手慢無。排隊期間可以順便欣賞下人地別出心裁嘅店鋪設計以致包裝都賞心悅目架。想試下嘅人，或者好似我咁樣有機會想再食過嘅人，都希望你地買到啦！
現烤吉士醬蘋果批
$42
58 浏览
0 赞好
0 留言
张贴
