點點甜 (已結業)

而家既天气热到溶，出去旺角行街热到就中暑，最啱去食雪糕甜品降下温，响旺角新宝戏院同一条街有间甜品店叫“点点甜”。甜品选择多样化，有女士们最喜爱嘅日系宇治抹茶雪糕，亦有台式口味芋圆，仲有本地代表杨枝甘露同榴梿雪糕等等。我哋点咗“宇治森林”， 呢个甜品以宇治抹茶软雪糕作主打，配衬豆腐花作底层，然后一层粟米片，再加上抹茶啫哩、小丸子、红豆，包含不同层次，红豆同小丸子配抹茶雪糕一齐食绝配，抹茶雪糕又软又滑又浓，豆腐花夹粟米片又另一口味，十个推介。见到墙上面有个土司套餐， 呢个属于下午茶甜品套餐，下午一点至晚上七点先有。呢个下午茶抵好抵食，有两块吐司配雪糕，土司烤得香脆，中间切成一粒粒，雪糕夹埋土司一齐食，一冷一热口感非常好。而且呢个下午茶餐仲包埋一杯梳打饮品，有芒果梳打、百香果等等，梳打底部充满百香果，以呢个价钱非常抵食。另外我哋再点咗一个“芒果天使”，“芒果天使”底层系奶冻，奶冻 上一层芒果粒，再加上3.6牛乳软雪糕，软雪糕加埋芒果粒好夹，但对比起“宇治森林”会稍为逊色。