すき焼 森 (荷李活道) (已結業)

当日我哋系食$680 dinner set，当日系A4 近江牛，由淡到浓味，包括：肉眼、西冷、牛肩。每一台都会有一个师傅帮我哋整牛肉寿喜烧，关西寿喜烧嘅煮法。前菜个鱿鱼几好食。当师傅开始煮牛嘅时候我都好期待，见到师傅落咗好多酱油同糖，但系完全冇掩盖牛肉嘅味道咬落去依然充满牛肉味&嫩滑嘅肉质纤维酱汁同牛肉嘅比例系恰到好处 本身都会有啲担心食唔饱，因为见到啲牛肉得几块份量唔系多，而且自己本身又食好少饭，但最后都系食得饱嘅。最后个汤个味道都有啲特别，好似有少少中药味嘅感觉，但唔难饮嘅。总体而言，系好食嘅，但又未去到一食就觉得惊为天人嘅味道，所以如果话系「寿喜烧天花板」其实系有啲「名大于实」！亦有可能局限于食材只系A4嘅近江牛，未去到A5级数，所以只可以话呢间餐厅的确系难book嘅，但美味度未去到「天花板」。