影片
更多
2017-12-13
53 浏览
成日放工经过都见到呢间桜个门口企咗成堆人，今晚就决定嚟会一会佢，解开呢个人龙之谜，餐厅主要系做外卖生意，不过店内都有一张细枱可供立食，食物既选择有手卷，丼饭，刺身同埋饮品，今晚我就拣咗海胆并赤海虾手卷，加一个极上刺身丼。只系等咗三数分钟个手卷就送上，眼见块紫菜好咁笔挺，净系目测已经feel佢系有几咁脆；海胆同赤海虾既份量果然同相片中既一样咁多，绝对无欺场；海胆新鲜，外表金黄有光泽，味道甘香鲜甜，肉质嫩滑而水分重；赤海虾生长于极冷水域，肉身晶莹，鲜甜爽滑，饱满个大、肉质绵密弹牙，口感鲜嫩有弹性，味道浓口，散发住阵阵既虾味。刺身丼材料丰富，有带子，甜虾，三文鱼，玉子同埋三文鱼子，饭粒比起坊间嘅寿司店无咁酸，唔会抢咗食材嘅鲜味；三文鱼肥美丰腴，含丰富既蛋白质，可以维持肌肉量同有助控制体重，其多元不饱和脂肪酸Omega-3更加系重要既补脑元素，可保持心血管健康；带子同甜虾都好新鲜爽口，清甜美味，咸香嘅三文鱼子喺口腔入面，随著每一下咀嚼逐小爆发，配衬埋甜甜地嘅玉子，滋味满足。手卷同丼饭既质素都相当之高，CP值爆灯，唔怪之得客似云来啦；另外个蟹将军丼都十分吸引，宜家推广价仲只系52蚊炸，真系要快啲
成日放工经过都见到呢间桜个门口企咗成堆人，今晚就决定嚟会一会佢，解开呢个人龙之谜，餐厅主要系做外卖生意，不过店内都有一张细枱可供立食，食物既选择有手卷，丼饭，刺身同埋饮品，今晚我就拣咗海胆并赤海虾手卷，加一个极上刺身丼。
只系等咗三数分钟个手卷就送上，眼见块紫菜好咁笔挺，净系目测已经feel佢系有几咁脆；海胆同赤海虾既份量果然同相片中既一样咁多，绝对无欺场；海胆新鲜，外表金黄有光泽，味道甘香鲜甜，肉质嫩滑而水分重；赤海虾生长于极冷水域，肉身晶莹，鲜甜爽滑，饱满个大、肉质绵密弹牙，口感鲜嫩有弹性，味道浓口，散发住阵阵既虾味。
刺身丼材料丰富，有带子，甜虾，三文鱼，玉子同埋三文鱼子，饭粒比起坊间嘅寿司店无咁酸，唔会抢咗食材嘅鲜味；三文鱼肥美丰腴，含丰富既蛋白质，可以维持肌肉量同有助控制体重，其多元不饱和脂肪酸Omega-3更加系重要既补脑元素，可保持心血管健康；带子同甜虾都好新鲜爽口，清甜美味，咸香嘅三文鱼子喺口腔入面，随著每一下咀嚼逐小爆发，配衬埋甜甜地嘅玉子，滋味满足。
手卷同丼饭既质素都相当之高，CP值爆灯，唔怪之得客似云来啦；另外个蟹将军丼都十分吸引，宜家推广价仲只系52蚊炸，真系要快啲嚟食多次。
张贴
