影片
更多
2019-04-10
77 浏览
好耐冇去泰国啦，为咗解决我嘅思乡之情，男朋友就建议我黎「泰潮」🙆♀️ 其实之前行开深水埗嘅时候，就已经见到「泰潮」门口经常大排长龙，所以都冇机会入去品尝。估吾到中环分店人龙就相对比较少，所以今晚嘅晚餐一于就系「佢」啦🙈.讲起泰国菜，海南鸡同泰国奶茶系一定吾少得🤣 我哋叫咗一个几抵食嘅二人晚市套餐A ($268)，入面有三款小菜，一碗汤，一碟小食同泰式甜品。.泰潮海南鸡「泰潮」嘅招牌菜海南鸡亦系米芝莲推介‼️海南鸡已经好贴心咁去哂骨，鸡肉嫩滑有弹性，皮肥而腍滑。可拣泰国丝苗白饭或鸡油饭，小妹建议吾怕肥就拣鸡油饭🤣 香茅味而带鸡油香，吾会觉得好油腻添～ 而海南鸡嘅灵魂 - 辣鸡酱，酸，辣，甜配合得恰到好处，既开胃又惹味😋.招牌咖啡虾球咖哩味同辣度balance 得好好，吾会太辣，配合返香港人嘅口味。入面有足料虾球，软腍薯仔，爽脆青椒，配搭上浓郁咖哩汁，捞饭一流呀🙆♀️.扎肉肉碎汤大大一碗嘅肉碎汤，足够三人份量呀🙈.泰式炸鱼饼拼春卷即叫即炸，热辣辣食落好脆口😍泰式炸鱼饼口感好似鱼蛋般弹牙，香茅味重，好惹味‼️.泰式蒜蓉炒杂菜杂菜炒得充满香蒜味，不错👍🏻.椰子大菜糕食落口感弹牙，啖啖都充满椰子香🥰
好耐冇去泰国啦，为咗解决我嘅思乡之情，男朋友就建议我黎「泰潮」🙆♀️ 其实之前行开深水埗嘅时候，就已经见到「泰潮」门口经常大排长龙，所以都冇机会入去品尝。估吾到中环分店人龙就相对比较少，所以今晚嘅晚餐一于就系「佢」啦🙈
.
讲起泰国菜，海南鸡同泰国奶茶系一定吾少得🤣 我哋叫咗一个几抵食嘅二人晚市套餐A ($268)，入面有三款小菜，一碗汤，一碟小食同泰式甜品。
.
泰潮海南鸡
「泰潮」嘅招牌菜海南鸡亦系米芝莲推介‼️海南鸡已经好贴心咁去哂骨，鸡肉嫩滑有弹性，皮肥而腍滑。可拣泰国丝苗白饭或鸡油饭，小妹建议吾怕肥就拣鸡油饭🤣 香茅味而带鸡油香，吾会觉得好油腻添～ 而海南鸡嘅灵魂 - 辣鸡酱，酸，辣，甜配合得恰到好处，既开胃又惹味😋
.
招牌咖啡虾球
咖哩味同辣度balance 得好好，吾会太辣，配合返香港人嘅口味。入面有足料虾球，软腍薯仔，爽脆青椒，配搭上浓郁咖哩汁，捞饭一流呀🙆♀️
.
扎肉肉碎汤
大大一碗嘅肉碎汤，足够三人份量呀🙈
.
泰式炸鱼饼拼春卷
即叫即炸，热辣辣食落好脆口😍泰式炸鱼饼口感好似鱼蛋般弹牙，香茅味重，好惹味‼️
.
泰式蒜蓉炒杂菜
杂菜炒得充满香蒜味，不错👍🏻
.
椰子大菜糕
食落口感弹牙，啖啖都充满椰子香🥰
.
泰式奶茶 （$22）
食泰国菜必叫嘅泰式奶茶❗️ 入口顺滑，奶味比一般港式奶茶重，茶味同奶香balance得好好🥰
张贴
