影片
更多
2020-05-03
1799 浏览
如果你有睇開我嘅食評就會知道我除咗鐘意食朱古力之外仲好鐘意食重口味食物🙈呢晚泊咗架車喺圓方想拎埋個泊車優惠😂所以就食咗餐好耐無食嘅川菜呢個係老公話要食嘅夫妻肺片個味都較得幾好唔會死鹹有花椒同麻油香啲牛肚亦幾爽口新鮮份量就一般啦畢竟呢間餐廳都唔係行抵食夾大件路線再嚟就係炸醬麵個炸醬就無乜特別但個麵條就有驚喜麵條比平時嘅拉麵稍粗食落更有咬口不過如果你個人喜好鐘意食淋面呢款麵就唔啱你了最後嚟嘅係水煮牛肉題外話呢個水煮牛肉等咗勁耐等到我哋全部嘢食晒都未嚟最後係同遲我哋好多入座嘅兩檯客嘅水煮牛肉一齊出貨😐講返碟餸牛肉就一向無乜期望因為一定係”乸”到無晒味呢個都唔例外反而配角先係水煮嘅重點😂猶幸啲大荳芽同薯粉都入晒味食到停唔到口不過打底嘅配菜真係得呢兩款|o|如果可以多返啲雲耳丫青瓜丫咁就好啦-埋單計數呢餐兩個人食咗$441以食物質量去計 抵食程度一般如果唔係為咗免費泊車可以唔洗試😂
就會知道我除咗鐘意食朱古力之外仲好鐘意食重口味食物🙈
呢晚泊咗架車喺圓方
想拎埋個泊車優惠😂
所以就食咗餐好耐無食嘅川菜
呢個係老公話要食嘅夫妻肺片
個味都較得幾好
唔會死鹹
有花椒同麻油香
啲牛肚亦幾爽口新鮮
份量就一般啦
畢竟呢間餐廳都唔係行抵食夾大件路線
再嚟就係炸醬麵
個炸醬就無乜特別
但個麵條就有驚喜
麵條比平時嘅拉麵稍粗
食落更有咬口
不過如果你個人喜好鐘意食淋面呢款麵就唔啱你了
最後嚟嘅係水煮牛肉
題外話
呢個水煮牛肉等咗勁耐
等到我哋全部嘢食晒都未嚟
最後係同遲我哋好多入座嘅兩檯客嘅水煮牛肉一齊出貨😐
講返碟餸
牛肉就一向無乜期望
因為一定係”乸”到無晒味
呢個都唔例外
反而配角先係水煮嘅重點😂
猶幸啲大荳芽同薯粉都入晒味
食到停唔到口
不過打底嘅配菜真係得呢兩款|o|
如果可以多返啲雲耳丫青瓜丫咁就好啦
-
埋單計數
呢餐兩個人食咗$441
以食物質量去計 抵食程度一般
如果唔係為咗免費泊車可以唔洗試😂
张贴
