bong (已結業)

睇到ig 同openrice食评都唔错，所以都想试下。地点唔太就脚，酒店一入门仍都无气派可言，酒店工作人员见到你两头望仍唔会主动问你去边，有咩帮手。去到餐厅，其实唔算大，但落地玻璃，环境唔错。叫左2个business lunch，叫latte，但照上cappuccino俾我，latte就真系唔应该有泡。前菜所有野都上得好快，唔知以为茶记，好急好急。食到主菜，系真系几好食。个牛唔错。 其他到雪糕到creme brulee都不值一提。service系正常，后生既几醒目，老啲果个就正常，无咩笑容仍都唔算黑面。整体觉得呢个价钱可以有好多选择，唔需要咁远专登来呢度食。虽然话落地玻璃但出面都系走廊，放左一啲杂物，离远先望到海。俾尽都系4星酒店，service似3星，成日都会听到员工倾计。一句讲晒，食物唔错，但唔洗专登来食。