角落咖啡廳 (已易手) 新餐厅

一直听唔少朋友去呢间系中环新开嘅打卡cafe，亦有keto friendly嘅选择，当然就去试吓啦😋餐厅环境比我想像中细，不过香港寸金尺土，都明嘅！但坐咗二人窗边位之后发现座位非常尴尬，只脚唔知点放好，一系淑女式打斜坐，或者半盘腿咁座，唔系太舒服～😣食物方面，烟三文鱼翠玉瓜面令我失望😔翠玉瓜可能唔新鲜，所以食落好苦，而且刨得好碎所以口感麻麻～煎带子香草黑蒜意粉就正常发挥，不过不失，饮品都差唔多，冇比到惊喜～最期待嘅就系佢个甜品，因为选择都唔少😍但早两日有见到网上有人po相见到佢地个柜入面嘅蛋糕发咗霉，所以都有少少冇信心。。。但个芝士蛋糕🍰的确唔错，有芝麻香之余饼底口感都唔错，亦唔会太甜👍🏻但个卷蛋就强差人意😖，蛋糕体好干，外皮亦偏硬，就算加埋上面个个焙茶奶盖都食唔出啲咩味～加上佢个奶盖份量好少，唔足够去同个卷蛋一齐食🤯总括嚟讲，食物同饮品都冇期望中咁好，希望下次再有机会尝试会见到进步💪🏻