新華茶餐廳

营业中

休息中

天气炎热，一早出发行山，落山都唔到11:00 am，本来同两个队友去金园食蛋挞，见未有新鲜出炉，就行去新华食啦，虽然两个月前食佢嘅沙嗲牛肉面，好MMD 同埋侍应婶婶服务唔好，俾咗个劣评🙄佢。网上评论话新华蛋挞好正达世一级数，就去试多次佢嘅沙嗲牛面和蛋挞啦。🌠沙嗲牛肉早餐$42▪️沙嗲牛面，汤底暖暖地唔够热，面底冇弹性，索晒D汤，牛肉冇牛味，面就勉强食晒，剩番晒D牛肉👎▪️餐包、火腿奄列煮得出色，餐包柔软新鲜，奄列蛋味浓，好食👍▪️奶茶唔够热，浸得耐，茶味浓烈偏苦，剩咗半杯👎🌠酥皮蛋挞$9暖暖地，唔系新鲜出炉，明白的，酥皮食唔到有层次感，可能开始冻了，蛋挞有蛋味，用蛋讲够，甜度略嫌甜了少少，整体是ok的，但系唔系好正去到世一呢？当然未到，还有一段距离。总括一下，沙爹牛肉面牛肉冇味，面质偏淋冇弹性，汤底唔够热，情况同上次一样。其实新华要参考下好似红茶、四宝或者时代的沙嗲牛肉面，改变下煮法。蛋挞唔系想像中咁世一，比普通好些。服务比上次进步咗，可能唔系阿婶侍应serve我地啦，又或者老板女坐镇系柜啦。