香港郵意 (已結業)

环境见网上好多好评，谂住试下。上到去已经觉得失望，感觉唔似餐厅，似系一个商场既走廊食野，入座要经过三几个大垃圾筒，闻到阵味已经冇胃口。对环境十分失望。食物食物又是另一个失望。既然一场黎到就试下啲野食。食物选择极少，以为贵精不贵多，叫左一个三文鱼 bagel 、一个芝士西班牙火腿薄饼。等左20分钟先整好，点知两样野食都唔掂。。。Bagel 冻冰冰硬掘掘，唔明点解整完20分钟都系咁，好心俾少少诚意加热下。三文鱼味道还好，但被个 bagel 破坏晒。薄饼系新鲜出炉，但系龙岛货式，个饼底湿立立，似食面包多啲，上面料系足，但太多茄汁，唔似食薄饼。服务人手极不足，全场只见两位服务员，导致收银、上菜都劲耐，不合格。总结：唔值得去。