影片
更多
2024-08-08
2048 浏览
有阵时啲嘢真系唔使plan咁多 plan 好晒今日嘅行程结果完全失控谂住同阿妈复诊完去饮过茶（地点响佐敦）book好晒，点知都系挞Q，比预期早咗，book好𠮶间茶楼都未开门😮💨最怕就系呢啲临时临急改行程，搞到连搭车都搭错咗！结果返九龙湾都搞咗成个几钟其实最怕就系带住妈妈，佢又心急嘅同时，我又唔好意思，好彩佢今日冇发脾四咋。MegaBox呢间因为妈妈识人，所以嚟亲呢度都会拣呢间，当然好似贵宾咁由送呢样𩠌𠮶样啦我哋三个大人，一个小朋友都嗌咗好多嘢食㖞又有炸鱿鱼须、金钱肚、牛肉煲仔饭、虎皮尖椒、菜苗饺、炸两、奶皇包、腐皮卷仲有麻辣鱼皮。虎皮尖椒原本画咗，但系之后谂住嗌第二样嘢delete咗又以为我哋画咗😮💨系妈妈钟意食嘅，不过超级辣炸鱿鱼须同腐皮卷就好一般啦，我觉得牛肉煲仔饭，竟然有啲饭焦㖞食炸两我姪女净系可以食啲皮，黐咗啲葱花佢都不知几钟意食至于麻辣鱼皮呢，基本上我都唔钟意食鱼皮，净系钟意佢个麻辣feel同埋花生其实我哋三个大人食咁多嘢都几夸张，仲要因为识人送咗糖水同埋红豆糕饱到上心口
谂住同阿妈复诊完去饮过茶（地点响佐敦）book好晒，点知都系挞Q，比预期早咗，book好𠮶间茶楼都未开门😮💨
最怕就系呢啲临时临急改行程，搞到连搭车都搭错咗！结果返九龙湾都搞咗成个几钟
其实最怕就系带住妈妈，佢又心急嘅同时，我又唔好意思，好彩佢今日冇发脾四咋。
MegaBox呢间因为妈妈识人，所以嚟亲呢度都会拣呢间，当然好似贵宾咁由送呢样𩠌𠮶样啦
我哋三个大人，一个小朋友都嗌咗好多嘢食㖞
又有炸鱿鱼须、金钱肚、牛肉煲仔饭、虎皮尖椒、菜苗饺、炸两、奶皇包、腐皮卷仲有麻辣鱼皮。
虎皮尖椒原本画咗，但系之后谂住嗌第二样嘢delete咗又以为我哋画咗😮💨系妈妈钟意食嘅，不过超级辣
炸鱿鱼须同腐皮卷就好一般啦，我觉得
牛肉煲仔饭，竟然有啲饭焦㖞
食炸两我姪女净系可以食啲皮，黐咗啲葱花佢都不知几钟意食
至于麻辣鱼皮呢，基本上我都唔钟意食鱼皮，净系钟意佢个麻辣feel同埋花生
其实我哋三个大人食咁多嘢都几夸张，仲要因为识人送咗糖水同埋红豆糕
饱到上心口
张贴