港澳義順牛奶公司 (已結業)

今日喺佐敦附近食完面之后打算食个甜品，见到难得义顺没有人，就入去点左个热双皮奶同冰花炖鸡蛋食。点完嚟到我先发觉原来冇咗双皮奶，得返普通嘅炖奶，冇咗双皮奶最重要嘅双皮，已经觉得唔妥，因为点𠮶阵时冇讲明话冇双皮奶，求其嚟咗好普通炖奶搏大雾，我一向食开点会唔知双皮奶系点，叫个人来，就解释话双皮奶冇货，食住先啦，😠咁咪即系呃我啰！我费事扫兴就就咁食，不过味道同双皮奶真系唔同。买单𠮶阵时佢都收咗我$36双皮奶嘅价钱，问佢点解冇双皮收咗双皮奶价钱，点知收银个阿姐话”我哋不嬲都系咁样收个㖞‘ 咁我话呢你咪即系呃钱啰，之后佢就冇答我啦，净系讲话’$68啦！‘成个态度即系话我系呃你呀咁又点呀。之前去过铜锣湾铺头，试过一坐低就讲到明今日双皮奶卖晒，会唔会食其他，老老实实，明买明卖。今日呢一间义顺摆明系呃你唔识分乜嘢系双皮奶，我见到有好多游客去食，应该有唔少游客被呃-食咗唔系双皮奶嘅双皮奶，大家下次去呢间食𠮶阵时记得要望清楚，唔好比人得过且过左。