加利年餅屋

营业中

休息中

（因日内发神经咁连续食o左几间唔同饼舖既卷蛋，o系味蕾比较敏锐既情况下记一记低。）以前o系附近出入多既时候，几乎日日帮衬...系早午晚三餐o个只：朝早面包新鲜出炉，下昼面包都新鲜出炉，傍晚既面包...系刚刚出炉，但买一送一（五时起！）；再加上佢定价OK 低，所以系超抵食。终于有机会旧地重游，系朝早九点帮衬。原本以为买o左个奶黄馅既卷蛋，但食落至知系柠檬馅。九点未系西饼出炉既时间，所以食隔夜卷蛋系预o左。不过，个厚厚既蛋糕皮并无因为咁而有干硬化既迹象：个皮仲系软熟有口感o个只，正。最钟意系个馅，几creamy 之余，仲唔太甜，亦唔太酸，但仲有柠檬味，好正。再加上呢个柠檬卷蛋size 比一般街外既大D D，盛惠$3.5 食得你有饱饱o地既感觉，好。