一虎

营业中

休息中

放假去咗湾仔「一虎」食lunch，一直都对碗柠檬拉面好好奇，究竟个味系点？系咪同盐味柚子差唔多呢？又惊伏😅⋯⋯最后有两位网友推介，我就信心大增，于是就嚟试吓🍋🍜。我原本计划11:30到（因为佢11:30开）最后我敌不过睡眠😂，下午1:00才到达，门口排咗7个人，排咗15分钟左右我就入咗去（其实我前面仲有人，咁啱我一个人，而且又有第一位，所以⋯⋯）我叫咗一碗柠檬拉面、走葱、走京葱😅加有味笋、糖心蛋🥚同埋一罐柠檬味可乐。柠檬拉面 - 碗拉面一嚟到，即刻饮第一啖汤，😳猪骨汤！（因为我无睇介绍😅，原来佢系用秘制柠檬酱和自家制猪骨汤）猪骨汤浓稠，唔会太咸，隐隐约约有少少柠檬皮既苦涩味，开头觉得柠檬味唔太够，以为表面嘅新鲜柠檬系装饰😂，原来要［笃柠檬］嚟调教自己喜爱既酸度，即刻成件事唔同晒，多番阵酸味就似🍋🍜，柠檬既酸味令到个汤变得无咁（漏），有啲开胃，呢个组合都值得试吓。另外我本人极力推荐加只🥚「糖心蛋」❗️糖心蛋最重要除咗系要用咩蛋？蛋味浓唔浓？流唔流心？蛋白会唔会硬？之外⋯⋯对我来讲非常在乎个酱油味要刚刚好，呢间做到啱我嘅口味，入口时先有酱油味再有啲甜味，然后到蛋味冲出嚟，perfect 😋。