金蘭花泰國餐廳 (已結業)

泰式料理系港人心目中份量好重，好多人特等飞去泰国食正宗泰国餐。而我系铜锣湾揾到间泰国私房菜—金兰花，都好正宗，而且最好成为会员，提早订位，唔系随时有排等。首先整个开胃既柚子沙律，微酸多汁既泰国金柚加上晶莹剔透既虾肉，香口腰果，既食到虾鲜同柚甜又品味到腰果既脆，即时胃口大开。炸虾饼既虾肉好弹牙，虾味都好足，用料上明显系十足，朋友一口气食左六小块，不断赞除香脆外仲好令人停唔到口。冬荫公汤都好令人停唔到口。加左大头虾，香茅，唔同香料，一上台，已经控制唔到啲口水。一饮汤底好鲜甜，菇吸收左酸辣，好惹味，而汤则系偏向酸多于辣，好岩我口味，冬天饮上一碗好暖胃，夏天则帮排汗，难怪甘受欢迎。最特别系船河，其他餐厅好少见过。我地拣左牛丸，一大碗，足够二人份量，除左牛肉味重，弹性十足既牛丸外，更有多块肥牛，最惊喜系有炸猪皮系汤上面，脆卜卜好正。汤底系好浓郁，有啲花生味，少少似沙嗲口感，但更胜沙嗲，系泰国当地出名船河。身为健康女性， 一碟菜系走唔甩，我地叫左泰式炒椰菜苗，纤维多，火候够，微辣得来爽脆，配上泰式炒法，好味到不得了。二人竟然扫晒全部野食。由此可知，野食系好吸引。