龍城金記海鮮火鍋

营业中

休息中

第一次响呢间舖食火锅。服务员认真工作，坐低餐纸都未睇清楚，服务员已不停问要咩㶽同饮乜野，睇得出佢地好想做野，但坚系烦。点了咸菜猪肚+蕃茄牛腩鸳鸯㶽，筒蚝，九菜饺，鱼皮饺，例牌顶级手切牛肉，油麦菜。两款饺味道ok，筒蚝是新鲜的，不差也不特出。汤底系无乜味，大约滚到食完先有d味道。牛肉是新鲜手切的，但无乜牛肉味。整体系无乜特别的一餐，适合淡口味的朋友。到埋单时候，发现单多了一碟美国肥牛，向职员查询，佢地立即改单，话将隔离枱碟肥牛入错我地张单。但改完单后，发现例牌顶级手切牛肉变左做“大”的手切牛肉，我再向职员查询，佢地同意写单系“例牌”的，但厨房做错左“大”的牛肉，你地又食左，所以收“大”的价钱。我是第一次食，点知两个size有乜分别?! 讲左一阵，职员坚持系我地食左+厨房做错左=所以要收“大”的价钱。。。争论都无用，只会令自己劳气。特意响呢个平台写出呢件事，希望唔好再有人无啦啦比多左钱! 记得野食放低时问清楚系乜size先好食+睇清楚张单先好比钱呀!!