燒蝦蝦 (金福閣） (已結業)

好搞笑啊，今日第一次嚟呢间餐厅未试过食流水虾嘅我同埋我阿妹搞出个大头佛😵我哋以为喺鱼缸入边夹咗出嚟嘅大头虾可以直接放落去烧烤炉上面烧🥹点不知发现佢系咁弹下弹下之余，仲要飞晒啲水上嚟😭呢个时候好彩职员拔刀相助，佢话俾我哋知原来要自己用个筒装啲冰！要冰嘅原因系因为，我哋夹完啲虾要放落冰筒度冻晕佢🧐咁就可以确保啲虾唔会弹来弹去😎除咗烧虾之外，呢度仲有其他海鲜，我都几钟意食青口㗎，所以就攞咗啲返嚟一齐烧！我阿妹仲话俾我知呢度好贴心🫀因为会有一啲调味料俾大家调味，食落去嘅海鲜就更加正😳