Marco's Oyster Bar & Grill (港灣豪庭廣場) (已結業)

见到门口黑版上既意粉同饭价钱ok入左去食，侍应话黑版上既野食可以叫，只系冇印到餐牌，最后到俾钱时先知道门口黑版上写既价钱要加5蚊，但系黑版上冇写系只供外卖或者堂食要加钱，侍应冇讲过，落单之后亦都冇单据俾我确认价钱，即系系餐牌价钱之上要加几钱系隐藏收费，到你食完俾钱时只能硬食一个同餐牌唔同既价钱。今次我食系加5蚊，冇人知下次食系加几钱。其实食物质素同性价比都好一般，服务又差，明白而家香港饮食业难做，但系靠隐藏收费来生存而唔系提高性价比，只会大家食一次就以后唔食。