Shadowman Cyber Cafe (已結業)

上星期五同Kaka一齐食lunch, 大家都无咩idea, 于是决定去佐亚士厘道再决定食咩, 我都无咩心水于是求其入佐黎, 谂住试下新野. 点知入到去坐低先记得已经黎过, 我上次黎完仲同自己讲下次唔会再黎添, 但入到黎唔通起身走咩, 于是即管睇下呢间野有无改善啦. 我叫佐个鸡扒烧汁饭(呢度无得配薯菜真系老土), Kaka要佐个冬阴公海鲜米线. 我个鸡扒饭无咩特别啰, 但问题系四十蚊食个咁既鸡扒饭我驶鬼黎呢度食咩, 我落楼下大家乐买好过啦, 更何况我lunch都唔会拣大家乐添啦... 唯一可取少少既系呢度既餐饮有少少特别啰, 可以拣苹果红茶同桃红茶, 佢杯茶真系落佐D苹果粒同桃肉粒系里面架㖞~ 除佐杯茶之外, 其他方面唔多掂啰... 我感觉到呢间餐厅系有heart既, 但系... 见佢lunch时间都坐唔满, 我同自己讲记得记得下次唔会再黎.