新德記漁村海鮮酒家 (已結業)

因为之前公司请食饭, 有人安排去西贡食海鲜, 今次想番寻味, 两支公预定了位, 但没有说明要食冻蟹, 点知去到经理话无预定就要等好耐, 咁唯有下次先, 经经理介绍叫了下列菜式陈皮蒸鲍鱼–鲍鱼有半个拳头咁大, 一啖一定食唔晒, 好新鲜, 口感好好蒜蓉蒸开边虾–经理介绍“豉油煎虾碌”, 但个人喜歚食蒜蓉蒸, 中虾开边好好肉, 好味, 下次先试豉油煎虾碌.椒盐濑尿虾–普通Size嘅濑尿虾, 虾肉都好爽口弹牙, 好鲜!!!油焗奄仔蟹–好香嘅牛油味, 略嫌蟹太细, 但尚算多膏, 唔系好够喉…(经理推介试一只)辣酒煮花螺–螺较细, 约男仕手指公大(连壳), 唔算好好食, 下次唔会再试椒丝腐乳通–唔系好够腐乳味, 不过好大碟, 感觉好抵食…服务方面, 换碟换左四五次, (因为我地叫嘅野好多壳) 经理问左几次得唔得呀, 唔知系咪我地坐系收银位置附近呢…其实食海鲜一定要够鲜, 够鲜点煮都唔会差得去边, 不过我觉得依度较老实, 经理介绍嘅份量啱啱好, 唔会好多而食唔晒.总括- 会再去试其他野, 下次记得预定冻蟹!!!!!