櫻花日本料理 (已結業)

今日同朋友庆祝纪念日，一日喺OpenRice揾咗好多餐厅，最终决定试吓呢间樱花日本料理，以佢嘅食物、环境嚟讲佢嘅价钱唔算好贵可能因为我哋早到，所以冇乜人，我哋两个人可以一间房一个铁板，我哋每点咗一个套餐首先嚟咗几块饼干，我唔记得左叫咩名呀，但系几好味，之后就嚟咗三款前菜，包括：樱花虾球、水云海发菜、芝麻芦笋豆腐，个虾球好好食，豆腐就好特别，另外个海发菜，我就觉得普通左少少之后就到煎鹅肝，外脆内软，加埋啲酱汁同埋生果，好夹好正之后每人半边龙虾，佢捞左啲海胆酱，带起咗龙虾嘅鲜味，非常出色跟住嚟咗个炸鱼，呢个系我最欣赏嘅菜式，啲鱼皮脆卜卜，鱼肉就鲜嫩，真系回味无穷之后上咗个沙律，俾你清一清啲浓味嘅食物，跟住就上一个煎牛肉，呢个都好食，不过就较之前嘅食物普通另外再嚟一个龙虾汤，佢系用返头先个只龙虾头煲嘅，所以好新鲜好入味最后嚟咗个炒饭同埋炒杂菜，个炒饭炒得好干身，好好味最后有日本密瓜做甜品，呢一餐真系好丰富，而且好满足，朋友都食得好开心