影片
更多
2010-02-13
52 浏览
12-2-2010是日庆祝「平淡之中的一些特别日期」, 订了太古坊呢间餐厅, 为的只有两样嘢 -- mussels 及 frites! 对 Valentine's Day menu 兴趣不大, 还是 a la carte 吧, 2 人简单叫了一份 appetizer 及两份 main share 食.Appetizer 系 deep-fried fresh goat cheese, 卖相劲似甜品 Goat cheese 好似包了层 phyllo, 又淋了少少 vinaigrette (?), 炸得薄脆唔油腻, 中间的芝士就呈半流质, 食落好滑口, 羊奶香好劲 (唔钟意食羊的一定大叫「好膻」喇, 哈哈), 好食㖞 食一件 cheese 其实都几漏, on the side 的沙律菜正好清清口腔, 虽然 dressing 唔多 主食 #1 Mussel pot "Marinière", 跟 frites 及 bread board: 为佢而来, 不过最后竟然配角变主角!? :-Mussels 用 white wine cream sauce 煮 (蒸?), 青口几肥大亦做得嫩滑
是日庆祝「平淡之中的一些特别日期」, 订了太古坊呢间餐厅, 为的只有两样嘢 -- mussels 及 frites!
对 Valentine's Day menu 兴趣不大, 还是 a la carte 吧, 2 人简单叫了一份 appetizer 及两份 main share 食.
Appetizer 系 deep-fried fresh goat cheese, 卖相劲似甜品 Goat cheese 好似包了层 phyllo, 又淋了少少 vinaigrette (?), 炸得薄脆唔油腻, 中间的芝士就呈半流质, 食落好滑口, 羊奶香好劲 (唔钟意食羊的一定大叫「好膻」喇, 哈哈), 好食㖞 食一件 cheese 其实都几漏, on the side 的沙律菜正好清清口腔, 虽然 dressing 唔多
主食 #1 Mussel pot "Marinière", 跟 frites 及 bread board: 为佢而来, 不过最后竟然配角变主角!? :-
Mussels 用 white wine cream sauce 煮 (蒸?), 青口几肥大亦做得嫩滑, 不过鲜甜味仍然争 d, 食到一两只仲带少少腥味 不过 white wine cream sauce 底就好正, 虽然质地有点稀, 但酒味香又带点奶香, 唔会太咸, 忍唔住不断当汤「毕」嚟饮
Bread board 真的用 "board" 上, 另奉上 butter 及 chicken liver pâté, 面包唔算好热, 面粉香亦唔算突出, 不过外够松脆, 内亦软熟, 涂上香滑 chicken liver pâté, 好食㖞
而 frites 就绝对系全餐最好的一味 -- 极热, 炸得极脆, 但完全无油, 入面薯肉软得似 mashed, 薯味好香, 而且本身已洒了点盐调味, ketchup / mayo (?) 都唔使蘸, 十分好食! 嗜唔嗜薯条的, 都绝对值得试试!
主食 #2 Grilled Australian lamb rack 要了 medium-rare, 卖相又真系几 medium-rare, 不过食落炭烤味有余, 羊味不足, 而且有点嚡又有点韧, 可以更好; on the side 的 potatoes au gratin 反而仲好食,「薯片」焗得软软的, 薯味/ 牛油味/ 芝味都好香, 劲快清碟 而 grilled eggplant 及 carrots 就好难食, 硬硬的, 仲要苦涩中带酸, 唯有放弃.
食物还不错, 环境就有点酒店 "lobby lounge" feel, 虽然我哋无梳化椅坐, 但场内有 live band 伴奏, 感觉都几好 hea 的; 店员们几有礼貌, 服务亦不错.
每人埋单齐头 $255, 唔算好贵, 虽然未到「值得专程来试」的地步, 但喺呢头想舒舒服服食餐饭, 呢度都系几好的选择.
张贴
