咖啡弄 (已結業)

记得对上一次食咖啡弄已经系一两年前 有次去台北都有食过 标准地好好食😁 一直都想再食 但印象中要排好耐队🚩 于是一直等 等到比较得闲就行动 点知 我地发现原来可以book位 😂我地几个就book咗上星期3 630pm😊 一去到招呼几好 好快就有位坐 限时90分钟 其实都够时间边食边倾👍最低消费一人一杯饮品 我嗌咗杯 类似期间限定既 宝岛菠萝沙冰🍍又饮得又睇得 开头嗌个时好惊菠萝唔算当造 会好酸 唔甜或者冇乜味 不过饮落就放心哂😮沙冰带乳酪味 唔会太酸 个味唔假 有淡淡既菠萝味 侧边有半片菠萝😆 可以饮完最后食 几清甜 重点系沙冰入面有好多菠萝粒🍍🍍 粒粒够冻之余又好甜 饮落又解渴 推介💕💕💕💕龙虾堡系我朋友话上次食过 好好食所以我地就嗌既 份量如图 唔算大份 我地自己切开几份方便食 龙虾系有龙虾鲜味 配佢种酱汁系几好味既 旁边有兜薯仔粒 侧边有少量沙律菜 成碟都算几好味 不过我地略嫌份量太少😫 *龙虾堡制作需时 要等20~30mins 可以一试既😊一餐完美既聚餐就当然唔少得甜品 今次嗌个个系盐味焦糖冰淇淋松饼 有四块 望落唔多但食落几饱 焦糖 雪糕 松饼三样野好夹好好味👅