影片
更多
2021-08-25
28 浏览
【Mamaday Studio】#油麻地 #打卡cafe今日系尖沙咀食咗个靓lunch，见仲有好多时间就想揾个地方坐下，抓紧夏天的尾巴，于是揾到呢间风评极高嘅特色咖啡店。Mamaday呢个品牌不嬲都有好高嘅人气同埋形象，但凡系佢嘅本店以及姊妹店都收获唔少正评，今次嚟到呢间Mamaday Studio同一般嘅Cafe有少少唔同，你会先喺楼下俾钱买完之后再自己将啲咖啡同食物拎上去楼上。而通往上层嘅地方有一道闸门要自己拉开，充满神秘感。而且一拉开闸门嘅时候第一个映入眼帘嘅系可爱嘅猫咪，各位猫奴一定要嚟帮衬下啦。———————————————松露蕃茄贝果（ $56 ）松露嘅味道非常之香浓，而且啲酱嘅份量亦都非常充足，可以铺满成旧bagel。Bagel本身嘅口感处理得非常之烟韧香软，咀嚼起上嚟嘅时候嚼劲十足，食得非常之爽。豆腐豆腐咖啡（ $48 ）呢杯咖啡嘅名出现咗两次豆腐呢个字系有某种涵义嘅，原因就系除咗面头铺住一大旧又香又甜而且软绵绵嘅豆腐之外，喺咖啡里面都有好多搅成碎粒嘅豆腐，饮落口嘅时候每一啖都有清爽而且顺滑嘅口感，食面头𠮶旧巨型豆腐嘅时候，更加有食紧甜品嘅爽感。海盐焦糖咖啡（ $46
今日系尖沙咀食咗个靓lunch，见仲有好多时间就想揾个地方坐下，抓紧夏天的尾巴，于是揾到呢间风评极高嘅特色咖啡店。
Mamaday呢个品牌不嬲都有好高嘅人气同埋形象，但凡系佢嘅本店以及姊妹店都收获唔少正评，今次嚟到呢间Mamaday Studio同一般嘅Cafe有少少唔同，你会先喺楼下俾钱买完之后再自己将啲咖啡同食物拎上去楼上。而通往上层嘅地方有一道闸门要自己拉开，充满神秘感。而且一拉开闸门嘅时候第一个映入眼帘嘅系可爱嘅猫咪，各位猫奴一定要嚟帮衬下啦。
———————————————
松露蕃茄贝果（ $56 ）
松露嘅味道非常之香浓，而且啲酱嘅份量亦都非常充足，可以铺满成旧bagel。Bagel本身嘅口感处理得非常之烟韧香软，咀嚼起上嚟嘅时候嚼劲十足，食得非常之爽。
豆腐豆腐咖啡（ $48 ）
呢杯咖啡嘅名出现咗两次豆腐呢个字系有某种涵义嘅，原因就系除咗面头铺住一大旧又香又甜而且软绵绵嘅豆腐之外，喺咖啡里面都有好多搅成碎粒嘅豆腐，饮落口嘅时候每一啖都有清爽而且顺滑嘅口感，食面头𠮶旧巨型豆腐嘅时候，更加有食紧甜品嘅爽感。
海盐焦糖咖啡（ $46 ）
海盐焦糖咖啡嘅甜度恰到好处，唔会太过火嘅焦糖味混和海盐以及咖啡，饮落口非常之柔顺舒服，配合埋呢个咁优美宁静嘅环境，简直好似去咗海边渡假一样咁舒服而且难忘。
———————————————
btw呢间舖头嘅饮筒系用可以循环再用嘅纸饮筒，而且餐具都系用木制嘅，环保意识极之强，抵赞！
———————————————
#mamadaystudio
Mamaday Studio (油麻地)
油麻地白加士街105号地舖
张贴
