廳2 (已結業)

我好钟意周围食野同试新野，如果试到一间服务好、食物好令食得开心，再帮衬机会都大啲。我对Tang2的整体评语都好好，尤其系食物同饮料都好特别。热玫瑰咖啡个味好得意呀，真系有几块玫瑰花瓣喺上面架！女仔见到一定超开心、影相又靓，又fresh，好有草园气息。但我稍为觉得有啲啲甜，如果可以俾客人自己调返个甜度会较好。另外个香辣炸鸡好滋味，原来系用鸡翼似酿返条骨入去，啖啖都系鸡肉。表皮脆之外有少少辣辣地，十分惹味，令人好开胃，引起食欲。摆碟呈X型咁，下面放两件洋葱圈，构图不错。虽然洋葱圈唔系主角，不过都好抢眼下，亦保持到热度、鲜甜同埋水份。我见到鲍鱼鲁肉饭真系好精致，但只系88蚊，100蚊都唔洗竟然有咁大只鲍鱼！鲍鱼一啲都唔硬，好入味。好欣赏个汁，卤水味好出，不过多少少肉粒更佳。一个人食一碟刚刚饱。最后系水晶虾好似系招牌菜之一，爽口爽口。好开心唔洗自己去虾肠…虾身又雪白弹牙。龙虾汤衬虾球一流！橙橙黄黄好吸引，好重海鲜味，虾大只到可以当扒据。推介呀！