麵留香

营业中

休息中

今晚黎到呢度附近食饭，见呢间餐厅好似好多人咁就入去试下啦。一入门口见到个老板非常熟口面，原来系之前楼下许荣记个老板个女，佢地而家过左黎呢边开舖，仲话整鱼蛋个个师傅系许荣记之前个老板教架添，应该唔会太差挂。既然佢鱼蛋出名，当然要叫啦，叫左个鱼蛋片头河，唔跟餐$18。另外就叫左个饭餐，要咸鱼蒸肉饼，有饭同汤跟既。大部分客人黎到都系叫鱼蛋河，睇黎大家都知呢样野出名d㖞。鱼蛋粉比较快就黎到啦，不过份量比以前好似少左㖞，鱼蛋真系几好，好弹牙而且又有鱼味，而我就觉得片头都唔错既，可能我本身几钟意佢个种口感啦，不过同以前既许荣记比都仲系差少少。虽然鱼蛋片头都ok，不过佢既汤底真系淡到不得了，系真系无咩味，搞到我地要落返D鱼露至得。另外咸蛋蒸肉饼就等左比较耐既时间啦，呢个都系普普通通，唔系特别好食。可能佢用D猪肉无咁靓，所以食落味道都系淡D无咩味，而且感觉较「鞋」口，一D都唔滑，味道系唔难食既，但要细致研究就真系麻麻地啦。呢度质素普通，买下佢D鱼蛋片头都可以既，不过价钱唔算太贵，如果第日想食鱼蛋饭都可以过黎呢度食下。