影片
更多
2017-10-03
812 浏览
本来系冇打算要食串烧的，不过我地好可怜，因为晚饭嘅餐厅质素一般，加上食得唔系够饱，埋单之后，就直接黎左附近呢间许愿树美食，谂住食几串串烧补充下，再去食糖水。去到门口先知，原来我有次都经过过，闻到几香，话要揾日黎试试。铺仔一间，喺店外烧烤，可以堂食，有几张枱仔，都算干净企理。串烧嘅选择一般嘅都有齐，鸡翼、四季豆呀、茄子、粟米、肠、韭菜、软骨等，老实讲，价钱都唔系平。当然唔少得有少量时价海鲜，同埋有十零款小炒。我地点左几样野，冇记错都已经一百八十零蚊。串烧制作需时，加上见到佢地应该都有唔少外卖单，所以一路食住，倾下计，不知不觉都坐左个零钟。茄子 30：一条茄子要30蚊，其实同好多串烧店都差唔多价位了。（当然喺国内食串烧系又平又抵食）茄子都烧得刚刚好，唔会太生，亦都冇㶶哂，茄肉腍身。面头嘅蒜蓉都几多，油份唔重，唔会话食到满口油，调味就唔算重手，同埋我觉得争少少葱粒，兼唔系好够热辣辣。鸡软骨 12：点左两串鸡软骨，不过不失。四季豆 12：喺香港食嘅烧四季豆，通常比较干身，可能唔似国内食咁，乜都扫层油先。四季豆嘅份量适中，烧得几香脆，因为拣左少辣，就唔会有太多辣粉喺面。但我觉得佢地嘅孜然粉味道唔
串烧嘅选择一般嘅都有齐，鸡翼、四季豆呀、茄子、粟米、肠、韭菜、软骨等，老实讲，价钱都唔系平。当然唔少得有少量时价海鲜，同埋有十零款小炒。我地点左几样野，冇记错都已经一百八十零蚊。串烧制作需时，加上见到佢地应该都有唔少外卖单，所以一路食住，倾下计，不知不觉都坐左个零钟。茄子 30：一条茄子要30蚊，其实同好多串烧店都差唔多价位了。（当然喺国内食串烧系又平又抵食）
茄子都烧得刚刚好，唔会太生，亦都冇㶶哂，茄肉腍身。面头嘅蒜蓉都几多，油份唔重，唔会话食到满口油，调味就唔算重手，同埋我觉得争少少葱粒，兼唔系好够热辣辣。
鸡软骨 12：点左两串鸡软骨，不过不失。
四季豆 12：喺香港食嘅烧四季豆，通常比较干身，可能唔似国内食咁，乜都扫层油先。四季豆嘅份量适中，烧得几香脆，因为拣左少辣，就唔会有太多辣粉喺面。但我觉得佢地嘅孜然粉味道唔系太够。
台湾黑椒肠 12：点左台湾肠，问心真系觉得几贵，因为份量真系好少，特别系我点黎打算自己食，因为朋友冇兴趣，但店家都帮我地剪开左肠仔，食落梗系冇咁过瘾啦，性价比唔高。
花枝丸 12：点左两串花枝丸，又系唔推荐，首先平时食花枝丸都系贵少少，理解，一般我食开一串都有三粒啦，呢度睇落有四粒，但原来开左半，咁真系唔系好抵食啰。
炭烧鸡皮 22：本来以为廿二蚊嘅炭烧鸡皮，见价钱都唔平，仲估紧会唔会系一块过果种，点知上枱见到得一串仔，真系几失望。
比出面食一串鸡皮贵太多喇，而且话就话炭烧，讲真就唔觉得话有啲咩特别之处。
鸡脾 25：鸡脾又系另一样失望之选，都明白店家见我地一行四人只系点左两只鸡脾，以为我地想share食，不过讲真就冇谂过点鸡脾会帮我地拆左肉、斩左件呢。事实上因为我地已经食左一餐先过黎，唔系个个都想食鸡脾先点两只。
鸡脾始终系要成只食先开心，拆左肉显得鸡肉特别干鞋，冇左鸡脾应有嘅嫩滑感，而且鸡皮唔够脆，调味都有点不足。
张贴
