吉豚屋吉列豬扒專門店 (已結業)

经过几次都想食，终于都同朋友试咗。因为我好钟意食日本嘅カツ丼，去亲都会食一次，佢地啲蛋淋系吉猪面个种味道真系系香港我系食唔返，但又会周围去试下希望可以揾到一间啱心水的。个晚去到刚刚好食饭时间满场，只搭一边台坐，我拣咗吉列三重奏(好似系呢个名)好快嚟到，味噌汤无味，香港嘅味噌汤好多都系汤包开水，所以咸度永远唔一样，但呢个就好淡，入面有肉但无味，我宁愿你整返豆腐海带算数吉列主食都可以嘅，炸粉适中唔会太厚，食落口好爽脆，不过其中一款炸猪肉饼就可以再好食啲。基本上$7X你唔会太期望佢有几好食，但都会接受佢有咁嘅水准，当然我想再好啲啦，因为难得元朗有间咁嘅食店，下次我会试你地嘅カツ丼。