Oasis Cafe & Party House (已易手) 新餐厅

星期日下午出到旺角，想同男朋友食返个悠闲 brunch (其实都下午茶时间了)，见呢间评价几好，就谂住试吓。。。餐牌上有lunch set同tea set可以拣，算几多选择，价钱都算相宜。我哋叫咗一个忌廉烟三文鱼天使面，一个卡邦尼意粉，一杯冻榛子mocha同一杯冻薄荷咖啡。两杯嘢饮真系好难饮。。。饮咗1/3放弃了。。。好似明明叫冻嘅，但感觉好似冲完好耐啲冰溶哂咁嘅味。。。呢度仲有board game玩，我哋玩波子棋，但啲波子又唔齐又痴笠笠。。。店舖环境有点残旧，门口有两只兔仔几可爱嘅，不过就有少少味。试过一次足够了。