川香苑麻辣雞煲火鍋 (已搬遷) 新店位置

如果唔系随变无开门，都唔会黎左试依间鸡煲啦 ~麻辣鸡煲一只少辣，朋友们包括我在内都系第一次黎帮衬，所以安全起见试小辣啦。起初试试个汤底真系淡而无味，不香不麻不辣，打到尾声时，先较为浓郁左少少，但都未能达标 ﹗鸡无鸡味，亦唔入味，可能我地太快食晒啦，总之就系一般啦。茶树菇，第一次食，唔知咩黎，菇菌味，口感硬实有渣。田鸡，肉质弹牙、鲜味又嫩滑，但全枱无人欣赏，我自己一个人啪晒，好味道。冰豆腐即蜂巢豆腐，无咩特别，索味最正，但今日个汤底唔多掂。生蚝，难得鲜味又嫩滑多汁，比预其中好，正 ﹗响铃，又碎又散又唔脆，bad ﹗鱼腐，外购即食货，味道偏咸似鱼蛋。牛栢叶，爽嫩，good ﹗手打墨鱼丸，硬屈屈既面粉味，超劣，千奇唔好试。金菇、牛丸同鱼皮饺，大路外购货，无意见。美国肥牛，还可以啦，不过不失，可接受。墨鱼咀，脆脆爽爽的，鲜鱿味道，唔系话特别好味，系得意啰。鲜腐竹，嫩滑满意。午餐肉，烚好耐都系有点硬实，索唔到汤汁，唔知用咩牌子。此店没有什么酱料提供，只有鼓油及只麻不辣既麻辣酱，连椒天指、生蒜都无。依度有水蜜桃汁供应，清凉解渴，推介。