魚塘鴨子 (已結業)

圆方 podium 食野贵夹唔饱系预左的，依间餐厅都系其中之一。17x 蚊黎个 set lunch，味道一般，唔系好食到咩名，少少咸少少辣咁，带子都算新鲜，不过得几粒，奉送白饭一碗，餐饮一杯，两位朋友嗌 latte，一杯劲苦，一杯劲淡，两杯沟匀佢就差不多。我嗌热柠水，无 complaint。 水煮鱼好食，麻辣好香，啲鱼啖啖肉无骨，份量都还可以，个底有啲菜不错，可惜奉送头发一条，侍应换个碗新既俾我地但食欲即时大减。小笼包正常，但好易夹穿爆汁。虾球同带子一样，我食唔出佢系咩味，好似系豆板酱乱咁炒出黎既野咁。值得一提系午餐已包餐饮，问佢拎壶水得唔得，佢话得，但原来盛惠 120 蚊，唔系俾唔起，但下次可以话一话俾我地知价钱，不过，其实都无下次了。 总括黎讲，唔难食，味道正常，但4个人买单 1000 蚊既 lunch，性价比不高。