OH MY GOOSE! (已結業)

又到粮尾， 我长期粮尾今日要挨food court , 见到呢间舖头个名好得意，oh my goose, 配合oh my god嘅心情。望下counter有咩食先人哋都食芝士焗龙虾，我就食芝士焗中虾伊面， 都系差唔多嘢啫望落去都叫过得去， 成碟铺满芝士， 白汁底， 但食落去又系温度唔配合， 啲面系凉凉地一pat pat， 虽然有四只虾，但就外暖内凉…… 我食咗几啖之后真系食唔落， 真系金玉其外，败絮其中。叫做食得落嘅，就系饮呢杯爆柠， 加左2片青柠加入柠檬茶入面， 同正常柠檬茶差唔多， 冇quota嘅可以唔试。最后，我决定买个贵价日本杯面返屋企再食过， 平衡番自己有食饭嘅感觉。