caffè HABITŪ the table (已結業)

经常经过又一城呢间cafe，但每次只系经过望下，见到佢门口既蛋糕睇落都吸引，四十蚊件但大部份都系细旧，所以都吸引唔到我去买。今次差唔多九点几十点经过，竟然见佢买一送一，而且款式仲有好多选择，即刻唔放过买返两件试下先啦！虽然系买一送一，但个职员姐姐都好比力去sell边款好食，最后我就拣左柠檬挞同埋粟子蛋糕。栗子蛋糕：身为栗子迷既我当然系要拣呢个试，但佢本身个size真系劲细... 半只手掌既大少都无，仲要系劲矮，食几啖就无哂讲返味道先，栗子蓉栗子味都够重既，但唔算系好浓果种，以呢个价钱应该可以浓啲，上面有粒栗子，食落有啲硬硬地唔算系好食果种，甚至乎平时超市一包包既即食栗子都好啲过佢... 入面系有海棉蛋糕同忌廉，但无其他特别饀，所以成件蛋糕无惊喜，如果唔系买一送一我唔会去试柠檬蛋白挞：呢个相比起栗子蛋糕无论大少同卖相都吸引好多，佢起码大栗仔蛋糕三份之一，而且表面既蛋白唧花纹亦好靓。试一啖面果层蛋白，同想像中有啲唔同，佢系打到好杰身好企身既蛋白，同平时出面食开既蛋白质感好唔同，但缺点系呢蛋白霜加左好多糖，虽然蛋白有下面既柠檬做平衡，但入面既柠檬一样加左好多糖，所以整体系酸得黎但都好甜下，至