喜茶 (已結業)

闻名已久但一路都唔敢去排队，终于5月嘅时候同旧同学食饭佢哋提议去饮，咁就试吓啦！原来真系要等好耐，落单排左20分钟，落完单等左40分钟。前后足足一个钟先可以饮一杯野，真系咁值得咩？我叫咗杯多肉葡萄，老实讲芝士奶盖的确很特别。每饮一啖就好似食紧芝士蛋糕咁。多肉葡萄里面真系有葡萄肉，口感好好，不过我就觉得甜左少少。饮咗半杯开始顶唔顺，因为真系好腻！饮到最后直情有点头晕嘅感觉可能系饮到血糖太高🙈如果有细size就好啦！不过值得一赞嘅系，店内有少量长椅可以俾人等候嘅时候坐吓，或者买完坐低饮。店内装修亦都好Chill,但实在太多人，想揾个冇乜人嘅位打卡都好难。