渝味曉宇重慶老火鍋 (太子集團中心) (已結業)

一间试完一次就唔使番兜既店。由于食到最后觉得好失望先影相证明我有食去食食评。见Openrice咁多好评就黎试下，谂住几百个好评实无伏啦，点知都系唔得。有去过四川食麻辣火锅既人相信都唔会推荐呢间店，我通常会系开始食火锅先饮一啖汤去试下本身个汤底好唔好味，一开始已经觉得好普通，麻辣汤底应该有既香气亦相当欠缺。四川火锅必食既今次只系点左鸭血同黄喉，根据餐牌上既时间去渌熟，可能本身汤底唔算浓郁，食材未能入味，以淡然无味黎形容也不算过分，但鸭血质素相当唔错，即使汤底无味但可以食得出系质素好既鸭血，口感软嫩无杂质。而另外点左麻辣牛肉，渌完食落成口粉，牛肉既口感全被盖过，食完一块成个口腔充满苦味。相反嫩牛肉无左大量既调味粉，食得出食材本身既味道之余亦食到嫩滑爽弹既口感。而另一汤底大骨滋补锅一开始都好普通，但食到最后汤底中多左唔同食材既鲜味加分左唔少，反观作为店舖招牌既重庆麻辣汤底食到最后饮一啖汤最后只得苦味真系大大扣分，甚至可以讲系海底捞呢类连锁既麻辣火锅店都比佢好食。唔推荐，如果好想试就试一次唔使番转头，服务质素唔错，但性价比偏低。