築地‧山貴水產市場 (已結業)

之前因为有生蚝任食优惠，咁啱以前同朋友都系附近返工，所以朋友建议嚟呢度试一下。环境开阳光猛，对住靓景，但系坐得好迫，一啲都唔舒服。其实同朋友一心谂住食生蚝不过要嗌满一个金额嘅食物先至可以再加钱享用任食生蚝嘅优惠，所以我哋都点咗寿司同其他嘅食物，寿司好普通其实根本就唔需要特登嚟食。食完寿司终于开始食生蚝，每一round系12只，就算可以比你叫得多其实张枱都放唔落。生蚝算新鲜干净，加咗调味，我哋都食咗四round，抵返晒。如果未试过趁有优惠试吓无防，但系特登去就不必啦。