119韓國站 (已結業)

见到间餐厅系Facebook做promotion, 身份证有相关数目字就可以有免费芝士排骨鸡，所以就去试下，我地六点就开始排队等位，坐低左之后就order嘢食啦。我哋order左一份鸡汤同埋嘢饮，先讲下个芝士排骨鸡，排骨系一大旧，冇切开嘅嘅，鸡就超级'鞋'，之后就到个鸡汤啦，我哋order左一只鸡嘅份量，其实只鸡系细只既鸡，皮好厚，个汤底好咸，整体感觉唔似韩式鸡汤。间餐厅最大问题除咗嘢食味道之外，重点系员工嘅态度，例如唔小心跌咗对筷子，咁我就举手示意职员拎对新筷子，虽然有拎但表情态度差！坦白讲，你估我想跌既咩，食野食到要受你气。之后个鸡汤滚起啦，职员过嚟剪开只鸡，因为个碗入面有排骨同鸡骨，就同行过既职员讲换两只新碗畀我地，点知个剪紧鸡嘅职员超级大声兼冇礼貌，话啲同事都好忙，你等一阵好唔好？连坐隔离几张枱既客都呆哂。咁既服务态度同食物质素，贵兼扮韩国菜，我就一定唔会食第二次啦。