醉辣鮮 (新田購物城) (已搬遷) 新店位置

好耐之前已经听过新田购物城，一直无去过，因为交通上唔算方便，今次朋友话揸车去，咁揸车去就无问题，泊车ok。醉辣鲜唔算好大，但感觉舒服，尤其有部分海鲜是由客人自己亲手拣，蟹、鲍鱼、龙虾、青口等，好生猛下，几好玩，影相一流，绝对是打卡位。有朋友试过任食蟹，话十分过瘾。之前食过几间蒸海鲜，比较起来，呢间价钱同质素都算系唔错，我地叫左$198餐同$268餐，$268餐有半只龙虾、半只蟹，其余就同$198餐一样。一上桌的是老火汤，味道尚可，算足料。蒸鸡件都好好味，个温泉蛋就唔系个个够胆食，朋友讲笑话蒸熟埋安全d，我就食埋佢果份。餐厅内有蒸各种海鲜的时间建议，由于朋友比较怕生，所以全部都较耐少少，好彩都保持到鲜味。我劲钟意蒸蔬菜，d粟米好甜，金菇、生菜、茄子都十分好味，系蕃薯就一般，要蒸好耐。最正系蔬菜是任食，好啱我呢d钟意菜之人。海鲜类别，我就觉得鲍鱼、蛏子、沙白、蚬等最新鲜，满足～至于元贝，蟹、龙虾、生蚝、海中虾都唔错。个粥底我就觉得咸左少少，都算可以。总括嚟讲，系值得一试的。