759茶餐廳 (已結業)

两公婆讲左好耐话试下呢间野, 终于寻晚试左。食左咖喱班腩意粉, 鲜茄牛肉饭, 涷奶茶总共$83。老实讲本身都唔敢抱太大期望, 始终都唔系比好多钱, 但入到去发觉都唔错, 成间铺望落干干净净, 职员制服都干净鲜明, 虽然唔算好好招呼, 但我地转卡位时佢地点态度好好, 有礼貌, 仲要系全程40分钟, 我一句粗口都听唔到。咖哩班腩意粉 - 咖哩汁味道唔错, 唔稀唔“杰”岩岩好。班腩比起其实茶餐厅用得少炸粉, 唔错。意粉唔可以话好好, 不过以呢类型铺头黎讲算唔错。鲜茄牛肉饭 - 因为本人唔食牛肉, 所以只能转述, 牛肉大小同平常的餐厅酒楼一样, 蕃茄大概1.5个, 个汁味道咸淡适中, 仲要卖相唔错, 加左几段葱点缀一下。涷奶茶 - 同出面差不多, 正常好饮有茶味。中途见到隔离枱叫左男人的浪漫, 都有几条葱, 卖相唔错。本人觉得价钱对比食物质素同环境服务, 呢度都算值得大家一试。没有影相请见谅。