茶久

营业中

休息中

食完饭谂紧去唔去食糖水好，星期五晚㖞，要去放肆下😆行过见开左新茶饮店茶久，未听过嘅新品牌㖞🤔试下佢先。排队买完等拎，店员示意鸭屎香茶刚卖完了要重新泡，大概等十分钟，ok呀去附近行下好快啫😋⭐雪梨爆柠冰茶配马碲爆珠朋友拣左嘅款冰茶，冰度固定但可以拣甜度，朋友拣左正常糖量。拎上手系汽水罐盖样，呢款拉盖又几好㖞，可以确定唔会漏😆入口酸酸甜甜仲劲重香水味😆马碲爆珠好得意，爆开后真系有马碲肉㖞，好清甜，呢杯好饮👍⭐海盐鸭屎香奶茶自己拣左奶茶，呢款用上可重用的饮品杯，店员示意可开盖清洗重用的，环保一下呀，个杯硬身设计又唔错，留返下次买饮品先😆讲返杯奶茶，呢款可以拣冰量但甜度固定，同样要正常就可以了。入口第一啖觉得都几咸，饮多几啖又几正㖞，咸中带甜，仲劲重奶香😋落单位同拎饮品位较窄，而餐牌又在落单位置墙上，个人觉得餐牌可以放一张系门外，等可以慢慢拣饮咩，后面排晒队仲睇咁耐有啲压力，哈哈🤣